“Ermənistan əməliyyatların coğrafiyasını genişləndirməyə çalışır”

Ermənistan coğrafi cəhətdən döyüş əməliyyatları teatrından uzaq olan Azərbaycanın Tovuz, Gədəbəy və Daşkəsən ərazilərinə hücum etməkdə davam edir.

Bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev “Twitter” səhifəsinə yazıb.

Prezidentin köməkçisi qeyd edib ki, Ermənistan bu cür təxribatlarla hərbi əməliyyatların coğrafiyasını genişləndirməyə çalışır.