"Barselona"da görünməmiş qalmaqal: Baş məşqçi araya girdi

Barselona" klubunun dünən Bilbao "Atletik"i ilə keçirilən matçından (1:0) əvvəl baş tutan məşq prosesində qalmaqal yaşanıb.

İpaniya mediasının məlumatına görə, dəfələrlə aralarında mübahisə düşən Messi ilə Qrizmann bu dəfə də "ənənələrinə" sadiq qalıblar.

Belə ki, Kataloniya təmsilçisinin məşqi zamanı agrentinalı ulduz fransalı ilə söz "davasına" çıxıb. Sonda isə futbolçular bir-birinə hücum çəkib.

Gərginlik o yerə çatıb ki, baş məşqçi Kiki Setyen və digər oyunçular onları güclə ayırıblar.

Qeyd edək ki, İspaniya mətbuatında "Barselona"nın "İnter"in ulduzu Lautaro Martinezi alacağı təqdirdə Qrizmannın "Mançester Yunayted"ə gedəcəyi barədə xəbərlər yayılıb.