Soğan qabığından çayın faydaları

Son dövrlərdə təbii müalicə üsullarına olan marağın artması ilə birlikdə, soğan qabığından hazırlanan çay da geniş populyarlıq qazanıb. Mütəxəssislər bildirirlər ki, bu, zahirən sadə görünsə də, soğan qabığı bir çox faydalı maddələrlə zəngindir. Düzgün hazırlandıqda, bu içki sağlamlığa ciddi dəstək verə bilər.

Araşdırmalara görə, soğan qabığı çayı güclü antioksidant təsirə malikdir. Bu xüsusiyyət bədəndəki sərbəst radikalların səviyyəsini aşağı salır, immuniteti gücləndirir və orqanizmin xəstəliklərə qarşı müqavimətini artırır. Bundan əlavə, çayın iltihabəleyhinə təsiri var. Bu təsir nəfəs yollarındakı narahatlıqları yüngülləşdirə, öskürəyi və boğaz ağrısını azalda bilər. Bu çay həmçinin qan dövranını yaxşılaşdırır, damar divarlarını möhkəmləndirir və ürək sağlamlığını dəstəkləyir.

Tərkibindəki "kversetin" adlı xüsusi maddə sayəsində, soğan qabığı çayı allergik reaksiyaların azalmasına və bədəndəki şişkinliklərin aradan qaldırılmasına kömək edir. Bu təbii içkinin digər faydaları arasında saç və dərinin sağlamlığı da var. Mütəmadi olaraq qəbul edildikdə, saç tökülməsini zəiflətdiyi və dərinin daha sağlam görünməsinə təsir etdiyi vurğulanır. Uzmanlar qeyd edirlər ki, bu təbii müalicə üsulu soyuqdəymə mövsümündə orqanizmə əhəmiyyətli dəstək göstərə bilər, lakin düzgün miqdarda və həkim məsləhəti ilə qəbul edilməlidir.