Oktyabrın 16-sı üçün hava proqnozu: yağış, qar və şimşək

Oktyabrın 16-sı üçün hava proqnozu: yağış, qar və şimşək

Milli Hidrometeorologiya Xidmətindən verilən məlumata görə, sabah Bakıda və Abşeron yarımadasında buludlu hava üstünlük təşkil edəcək. Bəzi yerlərdə fasilələrlə yağış yağacağı gözlənilir. Hava qeyri-sabit olacaq, bəzi yerlərdə qısamüddətli intensiv yağışlar və şimşək çaxacağı ehtimalı var.

Yarımadanın bəzi yerlərində leysan xarakterli yağışlar və dolu düşməsi ehtimalı var. Dağlıq ərazilərdə isə qar yağması gözlənilir.

Havanın temperaturu gecə 13-16° isti, gündüz 17-20° isti olacaq. Mülayim cənub-şərq küləyi əsəcək.

Azərbaycanın digər bölgələrində də fasilələrlə yağış yağacağı, şimşək çaxacağı gözlənilir. Qərb küləyi əsəcək. Havanın temperaturu gecə 11-16° isti, gündüz 18-23° isti, dağlarda gecə 3-7° isti, gündüz 9-14° isti olacaq.