Mask Trampın Mitinqində İştirak Etdi

ABŞ prezidentliyinin namizədi Donald Tramp, milyarder Elon Maskla birlikdə üç ay əvvəl həyatına qəsd edilən Pensilvaniya ştatının Butler dairəsində mitinq keçirdi.

CBS News bildirir ki, Tramp mitinqdə “Faciə və ürək ağrısından sonra Pensilvaniya və bütün Amerika xalqına sadə bir mesaj çatdırmaq üçün bu gecə Butlerə qayıtdım” deyib.

Elon Mask isə mitinqdə çıxış edərək noyabr seçkilərini “həyatımızın ən vacibi” adlandırdı və bildirdi ki, Konstitusiyanı və demokratiyanı qorumaq üçün Tramp qalib gəlməlidir.