"Tottenhem" Emiliano Martinezi transfer etmək niyyətindədir

İngiltərənin "Tottenhem" klubu yanvar transfer pəncərəsində heyətini yeni qapıçı ilə gücləndirməyi planlaşdırır. London təmsilçisinin bu istiqamətdə əsas hədəfi hazırda "Aston Villa"da çıxış edən Emiliano Martinezdir. "Tottenhem" rəhbərliyi argentinalı qolkiperin komandaya daxil edilməsini vacib sayır.

Klub qış transfer pəncərəsi ərzində argentinalı dünya çempionunu heyətinə qatmaq üçün rəsmi danışıqlara başlayacaq. 33 yaşlı qolkiper bu mövsüm Premyer Liqa təmsilçisinin heyətində aktiv olub. Martinez indiyə qədər 11 rəsmi matçda meydana çıxıb.

Qeyd edək ki, "Aston Villa" Emiliano Martinezi 2020-ci ilin yayında heyətinə qatmışdı. O, bu transferdən əvvəl "Arsenal" komandasının şərəfini qoruyurdu, yəni o, Londonun əsas rəqiblərindən birinin keçmiş oyunçusudur.