"Qalatasaray" məşhur türk futbolçunu transfer edir

“Qalatasaray” türk ulduz futbolçu Hakan Çalhanoğlunu transfer etmək üçün cəhdlərini davam etdirir. Klub növbəti transfer pəncərəsində futbolçunu heyətinə qatmaq üçün artıq hərəkətə keçib. Məşqçi Okan Buruk Hakanın komandada böyük fərq yaradacağını düşünür və onu cari heyətin əsas hissəsi sayır.

Buruk xüsusilə Hakan, Torreira və İlkaydan ibarət güclü bir yarımmüdafiə üçlüyü qurmaq niyyətindədir. Məlumatlar göstərir ki, əvvəllər “İnter” 30 milyon avro tələb etdiyi üçün bu danışıqlar təxirə salınmışdı. İndi isə “Qalatasaray” bu transfer üçün büdcədən 15 milyon avro ayırmaq istəyir. Futbolçunun özünün də “Qalatasaray”da oynamaqda maraqlı olması transfer şanslarını artırır. Hakan Çalhanoğlunun “İnter” ilə mövcud müqaviləsi 2027-ci ildə başa çatacaq.