"Tottenhem”in hücumçusu klubunu dəyişə bilər

“Tottenhem”in hücumçusu Riçarlison Premyer Liqada klubunu dəyişməyə yaxındır. Xarici KİV-ə istinadən verilən xəbərlərə görə, braziliyalı forvardla onun sabiq komandası “Everton” ciddi maraqlanır.

Məlumata görə, “Tottenhem” qış transfer pəncərəsində futbolçunun satışına açıq mövqe tutub. Bu qərar "Everton"un keçmiş ulduzunu geri gətirmək şansını artırır. London klubu oyunçunun potensial transferindən gəlir əldə etmək niyyətindədir.

28 yaşlı hücumçu cari mövsümdə “Tottenhem”in heyətində cəmi 13 oyunda iştirak edib. Bu qarşılaşmalarda o, 3 qol və 1 assistlə yadda qalıb. Riçarlisonun “Tottenhem” ilə müqaviləsinin müddəti 2027-ci ilin ortalarına qədər davam edir, lakin klubun satışa razılığı onun gələcəyinin qeyri-müəyyən olduğunu göstərir.