Konqonun dirçəlişi Afrikada yeni dövrün başlanğıcı olacaq - Jurnalist

Jurnalist Cin Mişel Brun Konqo Demokratik Respublikasının (KDR) dirçəlişinin bütün Afrika üçün yeni bir dövrün başlanğıcı olacağını bildirib.

“Musulmans en France” portalının təsisçisi olan Cin Mişel Brun bu açıqlamanı “Belçika müstəmləkəçiliyi: Tanınma və Məsuliyyət” adlı beynəlxalq konfransdakı çıxışı zamanı verib. Onun sözlərinə görə, Konqo Demokratik Respublikası Afrikanın əsas ölkələrindən biridir. Bu status onun coğrafi mövqeyi və malik olduğu zəngin təbii ehtiyatları ilə izah olunur.

Jurnalist qeyd edir ki, məhz bu amillər ölkənin bir vaxtlar müstəmləkə hökmranlığı altına düşməsinə səbəb olmuşdu. Bununla belə, Konqo Demokratik Respublikasının dirçəlişi bütün Afrikanın yeni bir eraya qədəm qoymasına gətirib çıxaracaq. Kolonizasiya dəyişiklik arzusunda olan konqoluların həyatını əlindən alsa da, yeni nəsil artıq bu torpaqda yenidən işıq yandırmağa hazırlaşır.

Cin Mişel Brun Konqonun oyanışının sadəcə bir ölkənin deyil, bütün qitənin oyanışı olacağını vurğulayıb. Bu proses Afrika tarixində mühüm mərhələ sayılır.