"Yeddi Krallığın Cəngavəri" serialının təqdimatı təxirə salındı

HBO, "Taxt Oyunları" kainatını genişləndirməyə davam edərək, bu il yayımlanması planlaşdırılan yeni serialı "Yeddi Krallığın Cəngavəri"nin təqdimat tarixini təxirə saldı. Əvvəllər Corc R.R. Martinin "Dunk & Egg" hekayələrindən adaptasiya olunan serialın 2025-ci ildə tamaşaçılarla görüşəcəyi bildirilsə də, HBO son anda qərar dəyişdirərək serialın 2026-cı ilə təxirə salındığını açıqladı. Bu qərarın səbəbi hələ açıqlanmayıb.

HBO rəhbərliyi serialın dəqiq yayım tarixini açıqlamasa da, serialın gələn qış ekranlarda olacağını bildirdi. Bu açıqlama "Yeddi Krallığın Cəngavəri"nin 2026-cı ilin ilk aylarında yayımlanacağını göstərir. Bu təxirəsalma qərarı ilə "Taxt Oyunları" kainatına aid yeni istehsallar 2025-ci ildə tamaşaçılarla görüşməyəcək. "Ejderha Evi"nin yeni mövsümü də 2026-cı ildə yayımlanacaq.

Yeni serial, orijinal "Taxt Oyunları" hekayəsindən təxminən 100 il əvvəl baş verir. Hekayənin mərkəzində Vesterosun əfsanəvi cəngavərlərindən biri olan Ser Dankan Uzun və sonradan Aegon V Targaryen kimi tanınacaq qılıncı Yumurtası ətrafında qurulub. Serial bu ikilinin Vesteros boyu macəralarını və taxt müharibələrindən əvvəlki siyasi quruluşu araşdıracaq. Peter Claffey Ser Dankan Uzun, Dexter Sol Ansell isə gənc Yumurtanı canlandırır. Onlara səyahətlərində Finn Bennett (Aerion Targaryen), Bertie Carvel (Baelor Targaryen), Tanzyn Crawford (Tanselle), Daniel Ings (Ser Lyonel Baratheon) və Sam Spruell (Maekar Targaryen) də yoldaşlıq edəcək.