Tramp-Mask müharibəsi davam edir! Sərt təhdid

ABŞ Prezidenti Donald Tramp və Elon Mask arasındakı gərginlik, bütün ictimaiyyətin gözü qarşısında yeni bir siyasi qarşıdurmaya çevrilib. Tramp, Truth Social sosial media platformasında verdiyi açıqlamada, federal büdcədə əhəmiyyətli qənaətlər əldə edilə biləcəyini bildirib və Maskın şirkətlərinin aldığı güzəştlərin yenidən araşdırılmasını tələb edib.

Donald Tramp-Elon Mask müharibəsinin son pərdəsi Trampın açıqlaması, Elon Maskın X-dəki sərt paylaşımından dərhal sonra gəlib. Mask, Respublikaçılar tərəfindən dəstəklənən "One Big Beautiful Bill Act" adlı yeni vergi endirimi və xərclər paketini "dəli və dağıdıcı" adlandırıb. Xərcləri azaltmağı tərəfdar olan, lakin bu qanunu dəstəkləyən Konqres üzvlərinin "başlarını aşağı salmalı" olduğunu deyib. Mask, bu üzvlərin ilkin seçkilərdə məğlub olmaları üçün əlindən gələni edəcəyini elan edib.

Mask, sözügedən qanunu ABŞ-ın milli borcunu artıracağı əsaslandırmaqla tənqid edir. O, əvvəllər Tramp administrasiyasında xidmət etdiyi Hökumət Səmərəliliyi Departamentinin vasitəsilə təmin edilən büdcə qənaətlərinin bu qanunla puç olacağını iddia edir. Tramp, Maskın açıqlamalarına cavab olaraq, Teslanın və SpaceX-in bu günə qədər əhəmiyyətli dövlət güzəştləri aldığını və şirkətlərin bu dəstəklər olmadan fəaliyyətini davam etdirə bilməyəcəyini iddia edib. Maskın aldığı subsidiyalara işarə edərək, Tramp birbaşa araşdırma aparılmasını tələb edib: "Bəlkə DOGE buna dərindən baxmalıdır? PULDA BÖYÜK QƏNƏƏTLƏR!"

İki şəxs arasındakı gərginlik yalnız şəxsi səviyyədə qalmayıb. Mask ölkədəki siyasi quruluşu da hədəf alıb. Demokratların və Respublikaçıların əslində tək bir qurum halına gəldiyini iddia edən Mask, xərclər paketinin qəbul edilməsi halında, ertəsi gün "Amerika Partiyası" qurulacağını elan edib. Açıqlamasında, iki əsas partiyaya müstəqil bir siyasi alternativə ehtiyac olduğunu, xalqın həqiqətən səsinin eşidilməsi üçün bunu vacib hesab etdiyini bildirib.

Maskın açıqlamaları, son zamanlar siyasətlə daha çox məşğul olduğunu göstərən hadisələr arasında yer alır. Konqres üzvlərinə qarşı ilkin seçki kampaniyası aparmağı planlaşdıran namizədləri dəstəkləmək qərarı, Ağ Ev müşaviri vəzifəsindən ayrıldıqdan sonra Maskın ən açıq siyasi addımlarından biri kimi qeyd olunur. 2024-cü il seçkilərində Trampa və Respublikaçı namizədlərə 275 milyon dollardan çox vəsait ayıran Mask, may ayında verdiyi açıqlamada siyasi xərclərini azaltmağı və "kifayət qədər iş gördüyünü" bildirmişdi.

Mask, qanuna qarşı çıxmasının elektrikli avtomobillər və günəş enerjisi üçün subsidiyaları aradan qaldırmaq məqsədi daşımadığını bildirib. Lakin, keçmişin sektorlarını dəstəkləyərkən gələcəyin texnologiyalarına zərər verdiyini söyləyib. Bu açıqlamalar, onun həm öz investisiyalarını, həm də ABŞ-ın texnologiya siyasətini birbaşa təsir edən bir siyasi qarşıdurma içində olduğunu ortaya qoyur.