OnePlus Yeni Texnologiyası: Mobil Oyun Təcrübəsini Kökündən Dəyişən OP Gaming Core

Mobil oyun sənayesinin əsas oyunçularından sayılan OnePlus, rəvan və problemsiz təcrübə təmin etmək üçün hazırladığı yeni oyun texnologiyasını rəsmi şəkildə təqdim etdi. Şirkət bildirir ki, bu yeni memarlıq Android platformasında mobil oyunların illərdir davam edən performans məhdudiyyətlərini aradan qaldırmağı hədəfləyir. Bu qabaqcıl sistem ilk dəfə olaraq qarşıdan gələn OnePlus 15 seriyalı cihazlarda tətbiq ediləcək. Yeni texnologiyanın mərkəzində, tamamilə daxili şəkildə hazırlanmış və OnePlus oyun təcrübəsinin əsasını təşkil edən OP Gaming Core dayanır.

OP Gaming Core çip səviyyəsində işləyən xüsusi bir sistemdir. Onun ərsəyə gəlməsi üçün 20.000-dən çox unikal kod sətrindən və 254 patentdən istifadə edilib. Bu yeni memarlıq oyunların sistem resursları ilə necə qarşılıqlı əlaqə qurduğunu yenidən təşkil edərək daha sakit və fasiləsiz performans verməyi məqsəd qoyur. OP Gaming Core-un ən əhəmiyyətli komponentlərindən biri OnePlus CPU Scheduler alətidir. Bu planlaşdırıcı ənənəvi CPU idarəetmə sistemlərini özünün xüsusi enerji istehlakı modeli ilə əvəz edir, bununla da resurslar arasında yaranan münaqişələri əsaslı səviyyədə həll edir. OnePlus-un açıqlamasına görə, bu yenilik CPU təlimat yükünü 22.74 faizə qədər azaldır, nəticədə həm enerji sərfiyyatı, həm də prosessorun yüklənməsi azalır. Bu cür optimallaşdırmalar sayəsində cihazlar məşhur oyunlarda belə stabil 120 FPS təcrübəsini qoruyub saxlaya bilir.

Performansı, toxunma cavabını və simsiz əlaqə keyfiyyətini təkmilləşdirmək məqsədi ilə OnePlus həmçinin OP Performance Üçlü Çip (Tri-Chip) quruluşunu da təqdim etdi. Bu fiziki üçlü çip Perfromans Çipi, Toxunma Cavabı Çipi və Wi-Fi G2 Çipindən ibarətdir. Xüsusilə Toxunma Cavabı Çipi 330 Hz nümunə götürmə tezliyini və 3200 Hz ani cavab tezliyini dəstəkləyir. Bu yüksək göstəricilər oyunçunun hərəkətlərinin daha tez və dəqiq tanınmasına imkan yaradır. Yeni texnologiyanın digər bir xüsusiyyəti isə Next-Gen HyperRendering adlanır. Bu texnologiya GPU renderləmə proseslərini kökündən yenidən təşkil edir, kadr başına render səmərəliliyini 80 faiz artırır. Bu artan səmərəlilik vizual olaraq ağır oyun seansları zamanı belə, termal sabitliyi qoruyaraq davamlı yüksək kadr sürətlərini təmin edir. Bütün bu yeniliklər mobil oyunçular üçün daha yaxşı, daha sürətli bir təcrübə vəd edir.