OnePlus Ace 5-in xüsusiyyətləri satışdan əvvəl sızdırıldı!

Bu ayın sonlarında təqdim olunacaq OnePlus Ace 5 seriyasına az qalıb. Əvvəlki xəbərlər bizə smartfonlar haqqında məlumat vermişdi, amma bəzi detallar hələ də aydın deyildi – indiyə qədər. OnePlus Ace 5-in tam spesifikasiyaları sızdırılıb.

OnePlus Ace 5 nələr təklif edəcək? Məşhur sızdırıcı Digital Chat Station OnePlus Ace 5-in xüsusiyyətlərini açıqlayıb. Telefon 1.5K çözünürlükdə və 120 Hz yeniləmə tezliyinə malik 6.78 düymlük BOE X2 8T LTPO ekranla təchiz olunacaq. Cihaz Qualcomm Snapdragon 8 Gen 3 prosessoru, 16 GB-a qədər RAM və 1 TB-a qədər daxili yaddaşla işləyəcək. Batareyanın tutumu təxminən 6285 mAh olacaq və 80 Vt sürətli şarj dəstəklənəcək.

Cihazda 16 MP ön kamera və 50 MP, 8 MP və 2 MP sensorlardan ibarət üçlü arxa kamera sistemi olacaq. Bundan əlavə, Ace 5 qutudan çıxanda ColorOS 15 əsaslı Android 15 ilə işləyəcək. Ace 5 həmçinin Geekbench testlərində yoxlanılıb və single-core testində 2212, multi-core testində isə 6961 bal toplayıb.

Qeyd etmək lazımdır ki, 2025-ci ilin yanvarında satışa çıxarılacaq OnePlus 13R, Ace 5-in yenidən brendləşdirilmiş versiyası olacaq. Modellərin adları və dizaynları fərqlənəcək, lakin əsas spesifikasiyaları eyni olacaq.