Nintendo tarixdə ən yüksək bazar dəyərinə çatdı!

Nintendo, Switch 2-nin satışa çıxmazdan əvvəl şirkətin tarixində ən yüksək bazar dəyərinə çataraq rekord qırdı. Tokio Fond Birjasında ticarət olunan şirkətin səhmlərinin qiyməti 85.85 dollara qalxdı və ümumi dəyəri 111.4 milyard dollara çatdı. Bu, Nintendo-nu Yaponiyanın beşinci ən böyük şirkətinə çevirdi. Şirkət Sony, Toyota və Mitsubishi kimi nəhənglərlə bir sırada adını çəkdirdi.

Son bir ildə şirkətin bazar dəyəri 44.9% artıb. Bu artımın əsas səbəbi 5 iyun tarixində satışa çıxacaq yeni nəsil oyun konsolu Switch 2-dir. Yalnız Yaponiyada 2,2 milyondan çox ön sifariş qəbul edilib. Aprelin sonunda dərc olunan satış hesabatları da tələbin rekord səviyyədə olduğunu bir daha təsdiqlədi. Yalnız Yaponiyada deyil, ABŞ-ın əsas texnologiya mağazalarında da Switch 2-nin ön sifarişləri tamamilə tükəndi. Target, Best Buy, Walmart və GameStop kimi bütün zəncirlərdə məhsulun bütün kvota qısa müddətdə doldu.

Səhmlərdəki yüksəliş, Switch 2-nin qlobal miqyasda yaratdığı yüksək gözləntilərlə paraleldir. Bu dinamika ilə Nintendo-nun gələn həftələrdə Yaponiyanın ən dəyərli şirkətləri arasında daha da yüksələcəyi gözlənilir. Switch 2-nin satışa çıxması ilə satış rəqəmlərinin artacağı, həmçinin investorların şirkətə olan marağının yenidən canlanacağı gözlənilir.