Nintendo Switch 2-nin Çıxışı Yenidən Təxirə Salına Bilər

Nintendo Switch 2-nin satışa çıxması ətrafında gedən söhbətlər artıq bir neçə aydır ki, davam edir. Əvvəlcədən yayılmış saysız-hesabsız xəbərlər gerçəkləşməyib və oyun həvəskarlarını uzun müddət gözləməyə məcbur edib.

Bir neçə həftə əvvəl Nintendo Prime adlı mənbədən gələn məlumata görə, Switch 2-nin təqdimatı yanvar 2025-ci ilə təyin olunmuşdu və mart ayında satışa çıxması gözlənilirdi. Hətta 650.000-dən çox oyun konsolunun müxtəlif ölkələrə göndərildiyi bildirilirdi.

Lakin, son məlumatlar bu iddiaları təkzib edir. Sənayedə etibarlı mənbə kimi tanınan NateDrake, Nintendo-nun may ayında bir tədbir keçirməyi planlaşdırdığını, və Switch 2-nin bu tədbirdə təqdim olunmasının yüksək ehtimal olduğunu söyləyib. Konsolun isə iyun 2025-ci ildə satışa çıxması gözlənilir.

Mənbə, satış tarixində hələ də qeyri-müəyyənlik olduğunu və konsolun may-iyun aylarında satışa çıxmasının gözlənildiyini vurğulayıb. Əvvəlki təxmini tarixlərin dəqiq olmama tarixçəsini nəzərə alsaq, şirkətdən rəsmi açıqlama gözləmək daha məqsədəuyğundur.

Gözlənilən xüsusiyyətlər: 8 düymlük LCD ekran, Nvidia Tegra 239 prosessor, Ray Tracing dəstəyi, 1080p oyun qrafikası, 8 GB LPDDR5 RAM, 64 GB eMMC yaddaş, DLSS və FSR texnologiyaları (DLSS 2 və FSR 3). Batareya tutumu məlum deyil, lakin əvvəlki modeldən daha yaxşı olacağı gözlənilir. Qiymətin 400 dollar ətrafında olacağı təxmin edilir.

Sizin Nintendo Switch 2 haqqında fikirləriniz necədir? Yeni modelə dair gözləntiləriniz nələrdir?