Nintendo Switch 2 üçün satış hədəfi açıqlandı!

Nintendo, gələn nəsil oyun konsolu Switch 2 üçün 2026-cı ilin mart ayının sonunadək dünya üzrə 15 milyon ədəd satış hədəfi qoyub. Cihazın daha baha qiymətə satışa çıxmasına baxmayaraq, şirkətin hədəfi əvvəlki nəsil Switch-in ilk illik satış göstəricisinə çox yaxındır.

Switch 2, 2025-ci il iyunun 5-də satışa çıxacaq. Nintendo bu 15 milyon ədədlik hədəfə çatmaq üçün təxminən 10 ay vaxtı var. Bundan əlavə, şirkət eyni müddət ərzində 45 milyon oyun satmağı planlaşdırır. Yəni, yalnız aparat deyil, oyun tərəfində də aqressiv strategiya izlənilir.

Lakin, Nintendo birinci nəsil Switch-i tamamilə bazardan çıxarmayacaq. Növbəti maliyyə ilində mövcud Switch modelindən 4,5 milyon ədəd, 100 milyondan çox oyunun satılması gözlənilir.

Mart 2017-ci ildə satışa çıxarılan birinci nəsil Nintendo Switch, ilk 13 ayda 17,79 milyon ədəd satışla şirkətin gözləntilərini üstələmişdi. Bu günə qədər 150 milyondan çox ədəd satılan Switch, Nintendo-nun ən çox satılan konsolu olan DS-i geridə qoymağa yaxındır.

Switch 2-nin qiyməti də açıqlanıb. ABŞ-da 450 dollar, Avropada isə 470 avroya satılacaq yeni nəsil konsol, yüksək qiymətinə baxmayaraq, bazarda böyük maraqla qarşılanıb. Yaponiyada ön sifarişlərin sayı 2,2 milyonu keçərkən, ABŞ-da ön sifarişlərin başladığı gün anbarlar tez bir zamanda boşalıb.