Microsoft, Apple-ın Yeni Dizaynını "Vista" ilə Müqayisə Etdi

Dünyanın ən böyük texnologiya şirkətlərindən ikisi, Apple və Microsoft arasında yenidən söz-söhbət qopdu. Apple-ın WWDC 2025-də təqdim etdiyi iOS 26-nın "Maye Şüşə" (Liquid Glass) interfeysi, bəzi istifadəçilərdə həvəs yaratsa da, əksəriyyətin tənqid hədəfinə çevrilib. Şüşəyə bənzər şəffaflığı və əks etdirmə effektləri ilə diqqət çəkən bu dizayn, Samsungdan sonra indi də Microsoft-un da hədəfinə çevrilib.

Microsoft, sosial media hesablarında paylaşdığı bir mesajla, Apple-ın yeni dizaynını 2007-ci ildə təqdim etdiyi Windows Vista-nın Aero temasına bənzətdi. "Bunu burada qoyum" (I’ll leave this here) yazısı ilə paylaşdığı şəkildə, Vista dövrünün şüşəvari interfeys elementlərini istifadə edərək, Apple-ın "Maye Şüşə" dizaynına dolayı bir işarə etdi. Bu, bir çox istifadəçiyə görə Microsoft-un Apple-a açıq bir tənqid idi.

Əslində, Microsoft illər öncə Aero dizayn konsepsini tətbiq etsə də, istifadə rahatlığı ilə bağlı problemlər səbəbindən daha sonra tədricən ondan imtina etmişdi. İndi isə Apple-ın oxşar bir yanaşmanı illər sonra yenidən tətbiq etməsi, Microsoft tərəfindən bir növ xəbərdarlıq kimi qarşılandı. Apple hələlik Microsoft-un bu hərəkətinə cavab verməyib.

"Maye Şüşə" dizaynı Apple tərəfindən "gələcəyin istifadəçi interfeysi" kimi təqdim olunsa da, mətn oxunaqlığı, ekran keçidləri zamanı yayındırma və bəzi tətbiqlərdə fokus itkisi kimi problemlər səbəbindən qarışıq reaksiyalarla qarşılaşıb. Microsoft-un paylaşımı da bu tənqidləri dolayı yolla dəstəkləyir.