Həftənin Pulsuz Oyunları Epic Games Mağazasında

Epic Games mağazası hər həftə oyunçuların oyun kitabxanalarını yeni oyunlarla zənginləşdirməyə davam edir. Bu həftənin pulsuz oyunları da artıq açıqlanıb! Oyunçular məhdud müddət ərzində tamamilə pulsuz olan bu oyunları kitabxanalarına əlavə edib, daim öz oyunları kimi saxlaya bilərlər. Bəs bu həftə hansı oyunları pulsuz yükləmək olar? Ətraflı məlumatı təqdim edirik!

Epic Games bu həftə Figment 2: Creed Valley və Sky Racket oyunlarını təqdim edir. Bu oyunlar 17 iyuladək pulsuzdur. Unutmayın, əgər oyunu bu tarixə qədər kitabxananıza əlavə etsəniz, o, sizin daimi oyununuz olacaq.

Figment 2: Creed Valley haqqında Epic Games təsviri: "Figment 2: Creed Valley insan beyninin daxilində baş verən aksiya-macera oyunudur. Kabuslar yayılır və əvvəllər sakit olan torpaqları ələ keçirir. Cəsur düşüncə Dusty ilə birlikdə tapmacalar və musiqili boss döyüşləri ilə dolu unikal mühitlərə yol alın."

Sky Racket haqqında Epic Games təsviri: "Sky Racket, Arcade dövrünün iki klassik janrını - "Shoot 'em up" və "Brick Breaker"ı birləşdirən oyundur. Birbaşa hücum edə bilmədiyiniz bir dünyada yeganə şansınız raketinizi istifadə edərək düşmən güllələrini geri əks etdirməkdir! Güllələri düşmənlərinizə geri qaytarın və qalaktikanı xilas edin!"

Bu həftənin pulsuz oyunları barədə nə düşünürsünüz? Fikirlərinizi bizimlə bölüşməyi unutmayın!