Galaxy A36, S25-i Bataqda Qoyacaq!

Samsung-un səbirsizliklə gözlənilən Galaxy A36 modeli artıq satışa çıxmaq üzrədir. Orta qiymət seqmentinə yönəlmiş bu telefon, əlçatan qiyməti ilə yanaşı, olduqca təsir edici xüsusiyyətlərə də sahib olacaq.

Son məlumatlara görə, Galaxy A36 ən azı bir xüsusiyyətə görə Galaxy S25-i geridə qoyacaq. IECEE bazasında aşkarlanan telefonun 45 vatt sürətli şarjı dəstəklədiyi məlum olub. Bu isə onu, cəmi 25 vatt sürətli şarjı dəstəkləyən standart Galaxy S25-dən üstün edir.

Geekbench bazasında SM-A366U model nömrəsi ilə görünən telefon, testlərdə tək nüvəli performansda 967, çoxnüvəli performansda isə 2750 bal toplayıb. Bu da onun texniki xüsusiyyətləri haqqında ətraflı məlumat verir. Geekbench məlumatlarına görə, Galaxy A36 Qualcomm Snapdragon 6 Gen 3 prosessoru, 6 GB RAM və Android 15 əməliyyat sistemi ilə işləyəcək. Əlavə RAM variantlarının da olması gözlənilir.

Əvvəlki modeli Galaxy A35 kimi, Galaxy A36-nın da 50 MP əsas kameraya sahib olması gözlənilir. Ancaq ən diqqətçəkən dəyişiklik ön kamerada görünür. 13 MP ön kameranın əvəzinə 12 MP sensorun istifadəsi planlaşdırılır. Bu, ilk baxışda geriləmə kimi görünə bilsə də, mənbələr yeni sensorun daha keyfiyyətli selfi təcrübəsi təqdim edəcəyini iddia edirlər. Bundan əlavə, telefon 8 MP ultra geniş bucaqlı lens və 5 MP makro sensorla təchiz olunacaq.

Sizin fikrinizcə, A36 gözləntiləri doğruldacaqmı?