Trampdan Putinə "Tomahawk" təhdidi: Bu fikir onun ürəyincə olmadı

ABŞ prezidenti Donald Tramp və Rusiya dövlət başçısı Vladimir Putin arasında vacib danışıqlar baş tutub. Tramp Rusiya prezidenti Putinlə keçirdiyi görüş barədə açıqlamasında deyib: "Putinlə çox səmərəli görüşümüz oldu. O, Yaxın Şərqdə sülhün bərqərar olması münasibətilə məni təbrik etdi."

Macarıstanda Zirvə Qərarı. Tramp açıqlamasında əlavə edib: "Biz Ukraynadakı müharibə başa çatdıqdan sonra Rusiya ilə ABŞ arasında baş tutacaq ticarət barədə uzun-uzadı söhbət etdik. Gələn həftə yüksək səviyyəli müşavirlərimizin görüşməsi barədə razılığa gəldik. Putin və mən Rusiya ilə Ukrayna arasındakı bu müharibəyə son qoymaq üçün Macarıstanın Budapeşt şəhərində bir araya gələcəyik. Sabah Prezident Zelenski ilə Oval Ofisdə görüşüb Prezident Putinlə apardığım danışıqları və bir çox başqa məsələləri müzakirə edəcəyik. İnanıram ki, böyük irəliləyişlər əldə edilib."

Putinə "Tomahawk" zərbəsi təhdidi. Görüş zamanı "Tomahawk" raketləri də gündəmdə olub. Tramp bu barədə belə deyib: "Telefonla Putindən soruşdum ki, "Mən bir neçə min "Tomahawk"ı qarşı tərəfə göndərsəm necə olar?" Bu fikir onun qətiyyən ürəyincə olmadı."