Əsədin Məzarı Yerlə Yeksan Edildi

Suriyada 61 il hökm sürən Baas rejimi silahlı müxaliflərin 27 noyabrda başlatdıqları əməliyyatdan sonra süquta uğradı. Bəşər Əsəd ailəsinin bəzi üzvləri ilə birlikdə gizlicə Moskvaya qaçdı.

Ölkə üzrə nəzarəti ələ keçirən müxaliflər əsas dövlət qurumlarını və simvolik yerləri də ələ keçirdilər. Ləzgiyədə yerləşən, Bəşər Əsədin atası, keçmiş prezident Həfiz Əsədin məzarı da müxaliflərin hədəfinə çevrildi. Məzara çıxan və onu dağıdan izdiham məzarı tamamilə dağıtdı.

27 noyabrda rejim əleyhinə silahlı qruplar və Bəşər Əsəd qüvvələri arasında toqquşmalar şiddətləndi. 30 noyabr – 7 dekabr tarixləri arasında müxaliflər Hələb, İdlib, Hama və Hums kimi ən böyük şəhərlərdə üstünlük qazandılar. 7 dekabrda Şama daxil olan müxaliflərə əhalinin də dəstək olması ilə rejim Şam və bir çox bölgədə nəzarəti tamamilə itirərək dağıldı. Baas Partiyasının 61 illik hakimiyyəti sona çatdı və rejim lideri Əsəd paytaxdan qaçdı.

Digər tərəfdən, Suriyanın Milli Ordusu dekabr ayında başlanan "Azadlıq Səhəri" əməliyyatının ilk günündə Tel Rıfatı PKK/YPG terror təşkilatından azad etdi. Əməliyyat nəticəsində Mənbiç də azad edildi və Fırat çayının qərbindəki ən böyük terror yuvası PKK/YPG-dən təmizləndi.