Yerlə birlikdə firlanan yeni asteroid kəşf edildi

NASA və beynəlxalq astronomiya cəmiyyəti 2025 PN7 adlanan kiçik bir göy cisminin kəşfini təsdiqləyib. Bu obyekt Ay kimi, Yerlə birlikdə Günəş ətrafında fırlanır. Astronomlar bu yeni cismi "yarı-peykin" (quasi-satellite) kimi təsnif edirlər.

Məlumatlara görə, 2025 PN7-nin ən azı 2083-cü ilə qədər Yerlə birgə orbitdə qalacağı güman edilir. Asteroid ilk dəfə Havayda, “Haleakala” rəsədxanasında yerləşən Pan-STARRS teleskopu tərəfindən müşahidə edilmişdi. Onun diametri təxminən 18-36 metr arasında dəyişir, bu da 6-12 mərtəbəli binanın hündürlüyünə bərabərdir. Bu xüsusiyyətlər onu nisbətən kiçik bir göy cismi edir.

Alimlərin hesablamalarına görə, bu obyekt 1960-cı illərdən bəri Yer ətrafında dövr edir. Bu uzunmüddətli mövcudluq, onun orbitinin stabilliyini göstərir. Ən əsası, NASA tərəfindən verilən rəsmi açıqlamada 2025 PN7-nin Yer üçün heç bir təhlükə yaratmadığı bildirilir. Təşkilat bu göy cisminin orbitinin sabit olduğunu qeyd edir və onun yaxın gələcəkdə planetimizə yaxınlaşmayacağını vurğulayır.