Ermənistanda Paşinyanın əleyhdarları sırasına icmalar da qoşuldu

08.12.2020 06:19 522 baxış sayı 2 dəq. oxuma

Ermənistanın Şirak əyalətinin Azatan, Beniamin, Axuryan, Ovtaşen, Marmaraşen icmalarının rəhbərləri və administrasiyaların əməkdaşları respublikanın çoxsaylı icmalarına qoşulublar və ölkənin antimilli, fərasətsiz hakimiyyətinin – baş nazirin, habelə hökumətin təcili istefasını tələb edirlər.

Bu barədə Ermənistan mediası xəbər verir.

"Bütün icma liderlərini və Ağsaqqallar Şurasının üzvlərini ən qısa zamanda istefa tələbinə qoşulmağa, Ermənistanın və erməni xalqının şərəf və ləyaqətini xilas etməyə çağırırıq", - deyə istefa tələbində bildirilir.

Qeyd edək ki, icmalarla yanaşı, 150-dən çox vəkil də baş nazir Nikol Paşinyanın istefasını tələb edib. Vəkillər bildiriblər ki, Paşinyan hakimiyyətdə olduğu müddət ərzində hakimiyyətin bölünməsi prinsiplərini pozub, hakimlərin həbslərlə bağlı qərarlarına müdaxilə edib. O, eyni zamanda hakimləri təhqir etməkdə ittiham edilir.

Könül Məmmədova

İnsan hüquqları müxbiri

İnsan hüquqları və vətəndaş cəmiyyəti mövzularında ixtisaslaşmışam. Bu sahədə qeyri-hökumət təşkilatlarında da işləmişəm.

Bütün məqalələrə baxın