Erdoğan: Əsəd görüşmə təklifimizi rədd etdi, müxaliflərin hədəfi Şamdır

Prezident Erdoğan, İstanbulda cümə namazından sonra mətbuatın suallarını cavablandırıb. Suriyanın prezidenti Bəşər Əsədlə görüşmək istədiklərini, lakin olumsuz cavab aldıqlarını bildirən Prezident Erdoğan, müxaliflərin əsas hədəfinin Şam olduğunu açıqlayıb.

Prezidentin açıqlamalarından: "İdlib, Həmə, Hums və hədəf, əlbəttə ki, Şamdır. Müxaliflərin bu yürüşü davam edir. Ümidimiz odur ki, Suriyadakı bu hadisələr heç bir problem olmadan davam etsin. Terror təşkilatları ilə mübarizə davam edərkən Əsədə çağırışımız oldu. Gəl, "Suriyanın gələcəyini birgə müəyyənləşdirək" dedik. Ancaq müsbət cavab ala bilmədik."

“Ürəyimiz bunu istəmir. Bölgə çətin vəziyyətdədir. Dünən Livandan görüş təklifi aldıq. İnşallah görüşəcəyik. Beyrutda hər yer dağıdılıb. Dünyanın susduğu bir vaxtda biz köməyimizi davam etdirəcəyik.”

“BMT yeganə çıxış yoludur. Bütün dünya, o cümlədən dünən Quterreşlə görüşüm oldu. Hər cür səy göstərəcəklərini söylədilər. Bölgədə atəşkəsin necə davam etdirilməsi – BMT yeganə çıxış yoludur.”