Elon Musk: "İki ildən sonra Marsa insan göndərəcəyik"

SpaceX-in qurucusu və rəhbəri Elon Musk sosial mediada Marsa insan göndərmək planları ilə bağlı yeni açıqlama verib.

O bildirib ki, növbəti Mars pəncərəsi zamanı bir neçə Starship kosmik gəmisi Qırmızı planetə yola salınacaq.

Muskun sözlərinə görə, ilk mərhələdə Marsa robotlaşdırılmış missiyalar həyata keçiriləcək.

Əgər bu missiyalar uğurlu olarsa və "Marsda kraterlərin sayı artmazsa" - yəni gəmilər uğurla eniş edə bilərsə - növbəti pəncərədə, təxminən 26 ay sonra ilk insanlar Marsa göndəriləcək.

SpaceX-in bu cəsarətli planı kosmosun məskunlaşdırılması tarixində yeni səhifə aça bilər. Starship, indiyə qədər yaradılmış ən böyük və tamamilə təkrar istifadə edilə bilən kosmik gəmidir.

Qeyd edək ki, Mars pəncərəsi dedikdə, Yer və Mars orbitlərinin optimal şəkildə düzüldüyü və ən az yanacaq sərf edərək səyahətin mümkün olduğu dövr nəzərdə tutulur. Bu pəncərə təxminən hər 26 aydan bir açılır.

Mənbə: Elon Muskun sosial media paylaşımı