NATO Baş Katibi Təcili Açıqlama Verəcək Mark Rutte Şimali Koreya Əsgərləri Barədə Mühüm Açıqlama Verəcək

Bazar ertəsi NATO-nun baş katibi Mark Rutte Şimali Koreya qoşunlarının Rusiyada yerləşdirilməsi ilə bağlı rəsmi açıqlama verəcək.

NATO-nun mətbuat xidmətinin məlumatına görə, bu gün Cənubi Koreyanın yüksək səviyyəli nümayəndə heyəti Şimali Koreya qoşunlarının Rusiya Federasiyası ərazisinə gəlməsi ilə bağlı Şimali Atlantika Şurasında brifinq keçirəcək. Bu görüşdən sonra baş katib mətbuata qısa açıqlama verəcək.

Qeyd olunur ki, görüşə NATO-nun Hind-Sakit okean regionunda tərəfdaş dövlətlərin, o cümlədən Avstraliya, Yaponiya və Yeni Zelandiyanın səfirləri də dəvət olunub.