Ramiz Mehdiyevin səhhəti pisləşdi

Hazırda ev dustaqlığında saxlanılan Prezident Administrasiyasının sabiq rəhbəri Ramiz Mehdiyev ötən gecə səhhəti ilə bağlı ciddi problemlə üzləşib. Vəziyyət pisləşdiyindən onun üçün təcili tibbi yardım çağırılıb. Sabiq rəhbər dövlət Təhlükəsizliyi Xidmətinin (DTX) İstintaq Baş İdarəsi tərəfindən cinayət məsuliyyətinə cəlb edildiyi üçün onun hərəkətlərinə məhdudiyyət qoyulub, barəsində ev dustaqlığı qətimkan tədbiri seçilib. Səhhətdə yaranan ani dəyişiklik ciddi narahatlığa səbəb olub.

Ailəsinin qərarı ilə dövlət Təcili Tibbi Yardım Xidmətinə güvənilməyib. Onlar bunun yerinə özəl klinikaların birindən dərhal həkim briqadası çağırmağı lazım biliblər. Həkimlər evə gəldikdən sonra Mehdiyevə ilkin tibbi yardım göstərilib. Bu müdaxilədən sonra onun səhhəti nisbətən normallaşıb. Məlumatlara görə, Ramiz Mehdiyev uzun müddətdir tənəffüs yollarındakı problemlərdən əziyyət çəkir. Məhz bu səbəbdən onun vəziyyəti gözlənilmədən ağırlaşıb.

R. Mehdiyev hazırda çox ağır ittihamla üzləşir. O, birbaşa dövlət çevrilişinə cəhddə günahlandırılır. Bu ittihamlar fonunda onun ev dustaqlığında saxlanılması hökmü qüvvədə qalır. Keçmiş Prezident Administrasiyası rəhbərinin səhhətinin pisləşməsi onun məhkəmə prosesi ərəfəsindəki vəziyyəti ilə bağlı suallar doğurur.