Ramiz Mehdiyevin həyat yoldaşı dindirildi

Prezident Administrasiyasının sabiq rəhbəri Ramiz Mehdiyevlə bağlı aparılan istintaq prosesində vacib bir mərhələyə keçilib. Artıq təkcə sabiq rəhbər deyil, onun ailə üzvləri də sorgulanır. Ramiz Mehdiyevin həyat yoldaşı Qalina Mehdiyeva istintaq çərçivəsində dindirilib.

Bu dindirilmə hadisəsi bütün ailəyə qarşı tətbiq edilən ciddi tədbirlər fonunda baş verir. Daha əvvəl Mehdiyevin bütün ailə üzvlərinin ölkədən çıxışına məhdudiyyət qoyulmuşdu. Mənbə məlumatına görə, Qalina Mehdiyevanın ifadəsi Ramiz Mehdiyevin yaxın ətrafı və onun maliyyə əməliyyatları barədə ətraflı məlumat əldə etməyə imkan verə bilər.

Xatırladaq ki, Ramiz Mehdiyev özü Cinayət Məcəlləsinin bir neçə ağır maddəsi ilə ittiham olunur. Bu ittihamlara dövlət hakimiyyətini ələ keçirməyə yönələn əməllər (278.1), dövlətə xəyanət (274) və cinayət yolu ilə əldə edilmiş əmlakı leqallaşdırma (193-1.3.2) daxildir. Həyat yoldaşının dindirilməsi istintaqın bu ittihamlar üzrə sübut bazasını genişləndirməsinə xidmət edir.