Onlar 83 ildir evlidir - FOTO

Dünyanın ən yaşlı cütlüyü Eleanor və Lyle Gittens ABŞ-nin Mayami ştatında yaşayırlar. Bu xoşbəxt cütlüyün birlikdə 216 yaşı var: Eleanorun 107, Lyle-ın isə 109 yaşı tamam olub. Onlar 1942-ci ildə ailə həyatı qurublar. Lyle və Eleanor Gittens tam 83 ildir ki, söz-söhbətsiz və dava-dalaşsız yaşayırlar. Onların bu uzun və problemsiz birgə həyatı böyük maraq doğurur. Hazırda bu cütlük rəsmən dünyanın ən yaşlı cütlüyü adını daşıyır.

Cütlük öz uzunömürlülüyünü bir neçə amillə açıqlayır. Onlar uzun yaşamağın əsas sirri kimi stressiz həyat sürməyi göstərirlər. Lyle və Eleanor neqativ enerji yayan insanlardan uzaq durmağa çalışırlar. Eleanor Gittens həmçinin 83 illik evliliyinin uğurunu sevginin bənzərsiz gücündə görür. O, həyat yoldaşını sonsuz eşqlə sevdiyini bildirib. Cütlüyün sağlam həyat tərzi keçirməsi, sağlam qidalanmağa üstünlük verməsi onların uzunömürlülüyünə birbaşa təsir edir. Onlar idmanın həyatlarının ayrılmaz bir hissəsi olduğunu da qeyd ediblər.

Eleanor və Lyle Gittens bu qeyri-adi statusu daşıdıqları üçün çox məmnundurlar. Onlar dünyanın ən yaşlı cütlüyü kimi qlobal tanınma qazanmaları ilə fəxr edirlər. Məşhur cütlük jurnalistlərə açıqlama verərək, "Bütün dünya bizi tanıyır, hamı bizdən yazır. Çox xoşdur," deyə sevincini dilə gətirib. Onların 83 illik evlilik hekayəsi bütün dünyada sevginin və uzunömürlülüyün möhtəşəm bir nümunəsi kimi qəbul edilir.