Növbəti 3 gündə hava kəskin dəyişir

Milli Hidrometeorologiya Xidməti Azərbaycanda hava şəraitinin oktyabrın 20-si axşamından etibarən kəskin dəyişəcəyi barədə xəbərdarlıq edir. Bu dəyişikliklər oktyabrın 22-dək davam edəcək. Yağıntılı hava şəraiti ölkənin şimal və qərb rayonlarından başlayacaq.

Bəzi yerlərdə fasilələrlə yağış və şimşək gözlənilir. Proqnoza görə, gözlənilən yağışlar ayrı-ayrı ərazilərdə qısamüddətli leysan xarakterli və çox intensiv olacaq. Eyni zamanda, bəzi ərazilərə dolu düşmə ehtimalı da var. Havanın soyuması ilə əlaqədar olaraq, yüksək dağlıq ərazilərdə yağıntının sulu qara keçməsi proqnozlaşdırılır.

Xidmət yağıntılı hava ilə əlaqədar olaraq çaylarda sululuğun artacağını bildirir. İntensiv axınlar nəticəsində bəzi dağ çaylarından qısamüddətli daşqın və sel keçməsi ehtimalı yaranır. Əhali bu günlərdə diqqətli olmalıdır.