​Məşhur aktyor vəsiyyətini açıqladı

Türkiyənin tanınmış simalarından olan Halil Ergün, uzun illər ərzində filmlərdə, seriallarda və teatr səhnələrində yaratdığı unudulmaz obrazlarla tamaşaçıların sevimlisinə çevrilib. Aktyor indi şəxsi mülkü ilə bağlı qəti qərarını açıqlayıb. Halil Ergün ölümündən sonra yaşadığı evin taleyinə aydınlıq gətirərək, bu iqamətgahın xüsusi bir məqsədə xidmət etməsini arzuladığını bildirib.

Sənətçi vəsiyyət edib ki, onun evi gələcəkdə muzeyə çevrilsin. Bu qərarın arxasında yatan əsas səbəb aktyorun illər boyu topladığı qiymətli sənət əsərləridir. Halil Ergün vurğulayıb ki, onun evində mədəni xəzinə mövcuddur. O hesab edir ki, gələcək nəsillər bu dəyərli kolleksiyanı görməyə tam haqqı var.

Aktyorun fikrincə, evdəki bu mədəniyyət nümunələri sənətə könül verən gənclərin yoluna işıq tutacaq. Ergün bu mülkün bir muzey kimi fəaliyyət göstərməsinin, sənətsevərlərə ilham verməsi və mədəniyyətə yeni töhfələr verməsi baxımından mühüm olduğunu bildirib. Beləliklə, məşhur aktyor yaşadığı evi sənət dünyasına miras qoyaraq, öz yaddaşının qorunmasını bu yolla təmin edir.