İspaniyada Daşqınlar: Ölümlər Artır, Xilasetmə İşləri Davam edir

İspaniyanın şərq və cənub bölgələrini, xüsusilə də Valensiya bölgəsini bürüyən dağıdıcı daşqınlar nəticəsində ölənlərin sayı 150-ni keçib.

Valensiya bölgəsi ən çox təsirlənən ərazidir, ölüm hadisələrinin çoxu buradan qeydə alınıb. Yerli hakimiyyət orqanları daşqın nəticəsində çox sayda insanın itkin düşdüyünü bildirib. Müdafiə Nazirliyi, axtarış-xilasetmə işlərinə 1064 əsgərin cəlb olunduğunu açıqlayıb.

İspaniya Dövlət Meteorologiya İnstitutu Valensiya bölgəsindəki daşqınları "əsrin fəlakəti" adlandırıb. Bildirilib ki, bu bölgəyə bir il ərzində yağan yağışlar yalnız 8 saat ərzində yağıb.

Valensiyaya səfər edən Baş nazir Pedro Sançes, dövlətin bütün resurslarının fəlakət zonasına yönəldiyini, prioritetlərinin axtarış-xilasetmə işləri olduğunu bildirib.