Flik: "El Klassiko"da Ançelotti ilə mübahisə haqqında danışdı

“Barselona”nın baş məşqçisi Hansi Flik “El Klassiko”da “Real Madrid”in baş məşqçisi Karlo Ançelotti ilə yaşanan mübahisə haqqında danışdı.

Flik bildirdi ki, gərginlik qolla bağlı olub. “Barselona”nın ehtiyat oyunçuları və məşqçiləri qolu qeyd etdikdən sonra Ançelotti onlara etiraz edib. Flik dedi: “Onunla danışdım, amma bu, normal bir vəziyyətdir. Qolu qeyd etdik.”

Ançelotti isə açıqlamasında problemin Hansi Fliklə deyil, onun köməkçisi ilə bağlı olduğunu bildirdi: “Mənim problemim Fliklə deyil, onun köməkçisi ilə idi. O, qolu bizim ehtiyat oyunçuların önündə qeyd edərkən idmana yaraşmayan hərəkətlər göstərdi. Flikə bunu normal bir şəkildə söylədim və o qəbul etdi.”