Fəzail Ağamalının səhhəti pisləşdi: "Oğlum peşman deyil"

Ana Vətən Partiyasının sabiq sədri və keçmiş millət vəkili Fəzail Ağamalının səhhəti pisləşib. Dünən gecə anidən onun sağlamlığında problem yaranıb. Bu hadisə partiyanın qurultayında baş verən qalmaqaldan sonra qeydə alınıb. Problemlə əlaqədar paytaxtda yerləşən özəl klinikalardan birindən təcili tibbi yardım çağırılıb. Həkimlər ona ilkin tibbi yardım göstəriblər və müalicə təyin ediblər.

Fəzail Ağamalı səhhətindəki pisləşmə faktını təsdiqləyib. O bildirib ki, qurultayda yaşananlar ona çox pis təsir edib. "Dünən olanlardan mən hələ də özümə gələ bilmirəm. Gecə qəfil özümü pis hiss etməyə başladım," o deyib. Dərhal ailə həkimini çağırdıq, o, mənə tibbi yardım göstərdi. Həkim diaqnoz qoyub ki, səhhətdəki problem **stressdən və əsəb gərginliyindən** yaranıb.

Keçmiş millət vəkili ürəyindən əməliyyat olunduğunu da qeyd edib. Ağamalı ağır vəziyyətdə olmasına baxmayaraq, oğlu Elçin Ağamalının hələ də peşman olmamasından təəssüf hissi keçirdiyini dilə gətirib. Qeyd edək ki, qalmaqal məhz Ana Vətən Partiyasının qurultayında yaşanıb. Fəzail Ağamalı partiyaya rəhbərliyi deputat qızı Günay Ağamalıya həvalə etmək istəyirdi. Lakin partiya üzvlərinin bir hissəsi onun oğlu **Elçin Ağamalının namizədliyini** dəstəkləyib. Nəticədə qurultay zamanı **Fəzail Ağamalı ilə oğlu arasında gərginlik** yaşanıb.