Bu ölkədən heyvan idxalına məhdudiyyət qoyulacaq

Gürcüstan mənşəli iri və xırdabuynuzlu heyvanların respublika ərazisindən keçməklə tranzit daşınması məhdudlaşdırılır. Bu qərar mümkün infeksiya yayılmasının qarşısını almaq üçün verilib.

Oktyabrın 25-dən etibarən bu məhdudiyyət tətbiq olunacaq. Həmçinin, Gürcüstandan heyvanların ölkəyə idxalı da məhdudlaşdırılır.

Bu qadağa damazlıq və yetişdirmə məqsədilə gətirilən heyvanlara şamil edilir. Kəsim məqsədilə idxal edilən heyvanlar isə bu məhdudiyyətdən istisna olunub.

Bu barədə AQTA məlumat yayıb.

Bildirilir ki, ölkəyə idxal olunan heyvanlar karantinə yerləşdiriləcək. Onlara klinik baxış keçiriləcək. Laboratoriya diaqnostik nümunələrinin götürülməsi prosesi davam etdiriləcək.

Azərbaycanın sərhəd bölgələri, heyvanların mövsümi miqrasiya marşrutları, eləcə də heyvan bazarları yüksək risk əraziləri kimi müəyyən edilib.