Bakı Dairəvi Yolunda Sürüşmə: 6.5 Metrlik Qaya Parçası Ayrıldı

Badamdar qəsəbəsi ərazisində, Bakı Kənar Dairəvi avtomobil yolunun sol tərəfindəki yamacda baş verən sürüşmənin miqyası açıqlandı.

Geoloji Kəşfiyyat Agentliyinin İdarə Heyətinin sədri Əli Əliyev bildirib ki, yamacın yuxarı hissəsində mövcud karniz şəkilli süxur kütlələrindən 6.5 metr uzunluğunda bir hissə qırılıb. Bu hadisə, sürüşmə prosesi olmasa da, ekzogen-geoloji prosesin bir növü hesab olunur.

Əli Əliyev əlavə edib ki, qırılan süxur kütləsinin götürülməsi üçün aidiyyəti qurumlar tərəfindən müvafiq tədbirlər görülür.