Alonso səlahiyyəti Ardadan aldı

Real Madriddə Cude Bellinghemin heyətə qayıtması Arda Gülerin komandadakı mövqeyinə birbaşa təsir göstərdi. Gənc futbolçu artıq arxa mövqedə oynamağa başlayıb. Arda, Bellinghem dönmədən əvvəl məhsuldar ötürmələr etsə də, məşqçi Xabi Alonso onu bu mövqedə oynadıb. Bu dəyişiklik əsasən Bellinghemin komandaya uğurlu dönüşü ilə bağlıdır.

Bellinghem də oyun qurucu futbolçu mövqeyində çıxış etməyə başladığı üçün Ardanın əvvəlki funksiyası azaldı. “Sport” qəzetinin dərc etdiyi məqalədə bildirilir ki, Arda Gülerin fiziki durumu onun 90 dəqiqə boyunca meydanda qalmasına imkan vermir. Bu məsələ onun oynama statistikasına da təsir edir.

Bu fiziki məhdudiyyətlərə görə, Arda start heyətdə başladığı 13 oyundan 12-də əvəzlənib. Cude Bellinghemin meydanda uğurlu oynaması isə Ardanın rolunu daha da kiçiltdi. Nəticədə, məşqçi Alonso Ardanın əsas oyun qurucusu kimi səlahiyyətini məhdudlaşdıraraq onu köməkçi mövqelərə yönləndirməyə üstünlük verdi.