Alma sirkəsinin faydaları - necə istifadə edək?

Alma sirkəsi qədim zamanlardan həm təbii dərman, həm də gözəllik vasitəsi kimi istifadə edilir. Son illərdə bu məhsul sağlam həyat tərzi tərəfdarlarının ən çox müraciət etdiyi məhsullardan birinə çevrilib. Alma sirkəsi mədə turşuluğunu tənzimləyərək həzm prosesini asanlaşdırır. Yeməkdən əvvəl bir stəkan ilıq suya 1-2 çay qaşığı alma sirkəsi əlavə etmək həzmi yaxşılaşdırır və şişkinliyin qarşısını alır. Aparılan araşdırmalara görə, sirkə insulin həssaslığını artırır və yeməkdən sonra qan şəkərinin kəskin qalxmasının qarşısını alır. Bu xüsusiyyət şəkər xəstəliyinə meyilli insanlar üçün xüsusilə faydalıdır.

Alma sirkəsi maddələr mübadiləsini sürətləndirir, iştahanı azaldır və bədəndə yağ yığılmasını ləngidir. Orqanizmi təmizləmək üçün səhərlər acqarına bir stəkan ilıq suya bir çay qaşığı sirkə əlavə edib içmək olar. Sirkə eyni zamanda sızanaqlarla mübarizədə və dərinin pH balansını saxlamaqda da təsirlidir. Su ilə qarışdırılaraq dəri toniki kimi istifadə edilməsi mümkündür. Saçlara gəldikdə isə, durulama zamanı suya sirkə əlavə etmək saçlara parlaqlıq və canlılıq verir.

Tərkibində olan vitaminlər, minerallar və antioksidantlar sayəsində alma sirkəsi bədəni virus və bakteriyalardan qoruyur. Soyuq aylarda gündəlik az miqdarda istifadə edilməsi immuniteti möhkəmləndirməyə kömək edir. Bununla yanaşı, sirkədən istifadə edərkən ehtiyatlı olmaq lazımdır. Mədə problemləri, xora və ya allergiyası olan şəxslər alma sirkəsindən istifadə etməzdən əvvəl mütləq həkimlə məsləhətləşməlidirlər.