UEFA Çempionlar Liqası: Liqa mərhələsinin IV turuna start verilir

UEFA Çempionlar Liqasında Liqa mərhələsinin IV turu bu gün başlayır. Avropanın ən böyük klubları növbəti sınaq üçün meydana çıxacaqlar. İlk oyun günündə cəmi 9 qarşılaşma baş tutacaq. Bu turda azarkeşləri bir neçə böyük derbi gözləyir.

Bu turun mərkəzi oyunlarından biri "Liverpul" və İspaniyanın "Real" klubu arasında olacaq. "Liverpul" bu görüşdə evdə rəqibi qəbul edəcək. Digər maraqla gözlənilən qarşılaşmada isə "Bavariya" səfərdə PSJ-nin qonağı olacaq. Həmçinin "Qarabağ" klubunun rəqibləri olan İtaliyanın "Napoli" və Almaniyanın "Ayntraxt" komandaları da bu gün İtaliyada üz-üzə gələcəklər. "Napoli"-"Ayntraxt" və "Slaviya"-"Arsenal" görüşləri Bakı vaxtı ilə 21:45-də başlayacaq.

Gecə yarısı (00:00) başlayan digər görüşlər də böyük diqqət çəkir. İspaniyanın "Atletiko" klubu Belçikanın "Yunion"u ilə mübarizə aparacaq. "Yuventus" (İtaliya) Portuqaliyanın "Sportinq"i ilə, İngiltərənin "Tottenhem"i isə Danimarkanın "Kopenhagen"i ilə qarşılaşacaq. Digər gecə oyunlarına "Olimpiakos" (Yunanıstan) - PSV (Niderland) və "Budyo Qlimt" (Norveç) - "Monako" (Fransa) görüşləri də daxildir. Bütün bu qarşılaşmalar qrup mərhələsində vəziyyəti kəskin dəyişə bilər.