TAP ilə Azərbaycandan Avropaya qaz tədarükü sifarişlərinin həcmləri artırıb

Trans-Adriatik Boru Kəməri (TAP) vasitəsilə Azərbaycan təbii qazının Avropaya tədarükünə dair sifarişlərin həcmi oktyabrın 20-də artım göstərib. Yunanıstanın Kipoi çıxış nöqtəsində həmin gün 366 milyon 941 min 291 kVt/saat həcmində sifariş qeydə alınıb. Bu, əvvəlki həftənin bazar ertəsi sifariş göstəriciləri ilə müqayisədə 1,93 % çoxdur. Lakin sonrakı günlərdə ümumi sifarişlərdə müəyyən azalma müşahidə edildi. Belə ki, oktyabrın 21-dən 27-dək Kipoi çıxış nöqtəsindən alınan sifariş həcmi 331 milyon 019 min 866 kVt/saat təşkil edib. Bu göstərici oktyabrın 14-dəki sifarişlərdən 8,04 % azdır. Oktyabrın 17-dəki göstəricilər ilə müqayisədə isə azalma 12,89 %-ə, oktyabrın 18-də və 19-da olan sifarişlərə nisbətən təxminən 9,79 %-ə çatıb.

Yunanıstan daxilindəki digər çıxış nöqtələrində isə sifariş həcmləri daha sabit qalıb. Komotini çıxış nöqtəsindən oktyabrın 20-dən 27-dək olan dövr üçün gündəlik sifarişlər əvvəlki həftənin göstəricisi ilə eyni olub. Bu, hər gün 28 milyon 674 min 418 kVt/saat həcmində qeydə alınıb. Yunanıstanın Nea Mesimvria çıxış nöqtəsi də əvvəlki həftənin həcmini saxlayıb, 30 milyon 346 min 301 kVt/saat sifariş alınıb. Yalnız oktyabrın 25-də bu nöqtədən 31 milyon 610 min 730 kVt/saat sifariş qəbul edilib ki, bu da daha əvvəlki həftənin eyni günü ilə müqayisədə 4,16 % çoxdur. İtaliyanın Melenduqno çıxış nöqtəsindən qaz tədarükü üçün oktyabrın 20-də 297 milyon 476 min 315 kVt/saat həcmində sifarişlər qəbul edilmişdi, bu da oktyabrın 13-ü ilə müqayisədə 1,83 % artım deməkdir.

Lakin İtaliyaya tədarük üçün sifarişlər sonrakı həftə ərzində azalıb. Oktyabrın 21-dən 27-dək Melenduqno nöqtəsinə qaz tədarükü üçün 271 milyon 999 min 147 kVt/saat həcmində sifarişlər qəbul edilib. Bu həcm oktyabrın 14-dəki sifariş göstəriciləri ilə müqayisədə 8,56 % azdır. Oktyabrın 15-nə və 16-na olan sifarişlərlə müqayisədə isə azalma 8,259 % təşkil edib. Melenduqno nöqtəsindən qaz tədarükü üçün oktyabrın 19-a olan sifariş göstəriciləri ilə müqayisədə isə 10,2 % azalma qeydə alınıb. Xatırladaq ki, Trans-Adriatik Boru Kəmərinin tikintisi 2020-ci ilin oktyabrında başa çatıb. TAP 878 km uzunluğundadır və Azərbaycan qazının TAP vasitəsilə İtaliya, Yunanıstan və Bolqarıstandakı istehlakçılara tədarükünə 2020-ci il dekabrın 31-dən başlanılıb.