Prezident İlham Əliyev: Pakistan hərbçilərinin paradda iştirakı Azərbaycan, Türkiyə, Pakistan xalqlarının, ordularının birliyinin təzahürüdür

Prezident İlham Əliyev Vətən müharibəsində Qələbənin beşinci ildönümünə həsr olunmuş hərbi paradda çıxış edib. O, çıxışında Pakistan dövləti və xalqının 44 günlük Vətən müharibəsi zamanı Azərbaycana göstərdiyi dəstək və həmrəylikdən danışıb. Bu yaxın münasibətləri qeyd edən dövlət başçısı Pakistan hərbçilərinin paradda iştirakının tarixi əhəmiyyətini vurğulayıb.

Dövlət başçısı bildirib ki, bu gün ilk dəfə olaraq Azadlıq meydanında Pakistan hərbçiləri də Azərbaycan əsgərləri ilə bərabər iştirak edirlər. Prezident Əliyev bu iştirakın təsadüfi olmadığını deyib. O, bu hadisəni üç ölkənin - Azərbaycan, Türkiyə və Pakistanın möhkəm birliyinin təzahürü adlandırıb. Bu, yalnız hökumətlər səviyyəsində deyil, həm də xalqların və orduların birgə gücünün nümayişidir.