Mask: Süni intellektin hesablama gücünü kosmosa ötürmək daha sərfəlidir

Amerikalı milyarder İlon Mask süni intellektin (AI) hesablama gücünü inkişaf etdirməyin ən sərfəli yolunun onu kosmosa köçürmək olduğunu düşünür. O, bu prosesin yaxın beş il ərzində reallaşacağına inanır. Mask bu barədə Vaşinqtonda ABŞ və Səudiyyə Ərəbistanı arasında iqtisadi əməkdaşlığa dair forumda çıxışı zamanı danışıb.

Milyarderin qiymətləndirmələrinə görə, kosmosda AI-nin səmərəliliyi Yer kürəsindəki süni intellektdən xeyli yüksək olacaq. Mask deyir ki, dörd-beş il ərzində AI hesablamalarını aparmağın ən ucuz metodu Günəş enerjisi ilə işləyən süni intellekt peyklərindən istifadə etməkdir. Bu dəyişiklik ən geci beş ildən gec olmayacaq. O, bu qabiliyyətin kosmosa ötürülməsini qaçılmaz adlandırır.

Mask fikirlərini əsaslandıraraq bildirib ki, enerji istehsalı artıq ciddi problemə çevrilir. AI sistemlərinin genişlənməsi ilə həm enerji təminatı, həm də sistemlərin soyutma məsələləri böyüyür. Əgər siz həm enerji istehsalını, həm də AI hesablama sistemlərinin soyudulmasını genişləndirməyə başlasanız, kosmosun olduqca cəlbedici bir məkan olduğunu anlayacaqsınız. Kosmos, Yer kürəsində çətinləşən bu iki əsas tələbi asanlıqla qarşılaya bilər. Milyarder, həmçinin, süni intellektin daha da inkişaf etməsi ilə insanların gələcəkdə pul istifadə etməkdən uzaqlaşa biləcəyini əlavə edib.