Heqset: Təchizat yolları və anbarlar ABŞ-yə mümkün hücumun hədəfi olacaq

Pentaqon rəhbəri Pit Heqsetin açıqlamasına görə, ABŞ-yə qarşı planlaşdırılan istənilən mümkün hücumun əsas hədəfi təchizat yolları, anbarlar və informasiya sistemləri olacaq. O, bu xəbərdarlığı sənaye liderləri, hərbi rəhbərlər və hökumət rəsmiləri qarşısında çıxışı zamanı edib.

Heqset vurğulayıb ki, Amerika yalnız logistikası onu dəstəklədiyi müddətcə döyüşə bilər. Rəqiblər bu faktı yaxşı bilirlər və məhz buna görə də ölkənin təşkilatlanmasını pozmaq məqsədilə təchizat yollarımıza, limanlara, aerodromlara, anbarlara və informasiya sistemlərimizə hücum edəcəklər. Düşmənlər bu kritik infrastruktur nöqtələrini dağıtmaqla ABŞ-nin əməliyyat imkanlarını məhdudlaşdırmağa çalışacaqlar.

Lakin Heqset, bu təhdidlərə baxmayaraq, Vaşinqtonun müharibəyə hazırlıqlı olduğunu bildirib. O qeyd edib ki, zərurət yarandığı halda ABŞ mövcud resursları ilə müharibəyə girməyə və qələbə qazanmağa hazırdır. Onun sözlərinə görə, Vaşinqton dünyanın ən güclü və ən yaxşı silahlarına sahibdir. Bu bəyanat ABŞ Prezidenti Donald Trampın əvvəlki çıxışı ilə səsləşir; Tramp "USS George Washington" aviadaşıyıcısında çıxış edərkən ABŞ-nin tarixdəki ən qüdrətli silahlı qüvvələrə malik olduğunu söyləmişdi.