"Əl-Əhli" Türkiyə millisinin üzvü ilə müqavilə imzalayıb

03.12.2025 17:05 3 baxış sayı 1 dəq. oxuma Trend

İdman

Səudiyyə Ərəbistanının "Əl-Əhli" klubu Türkiyə millisinin üzvü Merih Demiral ilə müqavilənin müddətini uzatdı.

Bu xəbəri Səudiyyə Ərəbistanı klubunun mətbuat xidməti rəsmən təsdiqləyib. İmzalanan yeni sözləşməyə görə, 27 yaşlı müdafiəçi 2029-cu ilin yayına kimi Ciddə təmsilçisinin heyətində qalacaq. Bu, klubun müdafiə xəttini uzun illər üçün gücləndirmək istədiyini göstərir.

Qeyd edək ki, "Əl-Əhli" mərkəz müdafiəçisi Demiralı 2023-cü ilin yayında transfer etmişdi. O zaman o, İtaliyanın "Atalanta" klubundan 17 milyon avro qarşılığında heyətə qatılmışdı.

Demiral cari mövsümdə "Əl-Əhli"nin heyətində çıxış etdiyi 16 rəsmi matçda iştirak edib. Türkiyə millisinin üzvü bu oyunlarda rəqib qapısından 1 qol keçirə bilib.

Cavid Əsgərov

Motor idmanları müxbiri

Formula 1, avtomobil yarışları və motor idmanları üzrə yazıram. Bakıda Formula 1 yarışları keçirilməyə başlayandan bəri bu maraq daha da böyüyüb.

Bütün məqalələrə baxın