Çin və ABŞ nümayəndələri məsləhətləşmələrin yeni raundu ilə bağlı razılığa gəliblər

Çin və ABŞ arasında iqtisadi-ticarət əlaqələrini əhatə edən yüksək səviyyəli nümayəndələr məsləhətləşmələrin yeni raundunun tezliklə keçirilməsi barədə razılığa gəliblər. Bu gün Çin Dövlət Şurasının baş nazirinin müavini He Lifen ABŞ-nin maliyyə naziri Skott Bessentlə videobağlantı vasitəsilə danışıqlar apardı. "Xinhua" agentliyinin yaydığı məlumata görə, hər iki tərəfin əsas iqtisadi koordinatorları bu görüşdə iştirak ediblər.

He Lifen həm də Çin tərəfindən ABŞ ilə iqtisadi-ticari əlaqələr üzrə əsas koordinator rolunu daşıyır. Danışıqlarda ABŞ-nin ticarət nümayəndəsi Ceymison Qrir də iştirak edirdi. Görüş zamanı tərəflər iqtisadi və ticari məsləhətləşmələrin növbəti raundunun mümkün qədər tez bir zamanda keçirilməsi üçün razılığa çatdılar.

Rəsmilər bu ilin əvvəlindən bəri aparılmış telefon danışıqları zamanı iki dövlətin başçıları arasında əldə edilən razılaşmaların necə həyata keçirilməsi barədə fikir mübadiləsi aparıblar. Bundan əlavə, danışıqlar zamanı ikitərəfli iqtisadi-ticari əlaqələr ilə bağlı bir sıra mühüm məsələlər müzakirə edilib.