Bakıya və rayonlara yağış yağacaq, bəzi yerlərdə sulu qara keçəcək - XƏBƏRDARLIQ

Milli Hidrometeorologiya Xidməti ölkə ərazisində gözlənilən kəskin hava şəraiti ilə bağlı xəbərdarlıq yayıb. Proqnoza görə, oktyabrın 26-sı axşam saatlarından 27-si səhərədək Bakı və Abşeron yarımadasında fasilələrlə yağış yağacağı gözlənilir. Yarımadanın bəzi hissələrində bu yağıntıların qısamüddətli leysan xarakterli olması və şimşək çaxması mümkündür. Hava sisteminin təsiri geniş ərazini əhatə edəcək, şimal və qərb rayonlarında daha intensiv yağışlar müşahidə olunacaq.

Kəskin hava şəraiti oktyabrın 26-sı gündüz saatlarından başlayaraq Azərbaycanın şimal və qərb bölgələrindən daxil olacaq və 27-si səhərə qədər davam edəcək. Bu ərazilərin ayrı-ayrı yerlərində arabir güclü yağışlar, ildırım, həmçinin dolu düşməsi riski mövcuddur. Yağıntı miqdarının artması fonunda xüsusilə yüksək dağlıq ərazilərdə temperaturun aşağı düşməsi ilə əlaqədar yağışın tədricən sulu qara keçməsi ehtimal olunur.

Xidmət, intensiv yağıntılarla bağlı ciddi hidrometoloji təhlükə barədə xəbərdarlıq edir. Gözlənilən leysanlar səbəbindən çaylarda sululuq səviyyəsi nəzərə çarpacaq dərəcədə artacaq. Nəticədə, bəzi dağ çaylarından qısa müddət ərzində daşqın və sel keçməsi gözlənilir. Əhali və aidiyyəti qurumlar bu ehtimal olunan təhlükələri nəzərə almalı, lazımi tədbirləri görməlidir.