Bakıda TDT-yə üzv ölkələrin ədliyyə nazirlərinin görüşü keçirilib

Türk Dövlətləri Təşkilatına (TDT) üzv ölkələrin ədliyyə nazirlərinin görüşü Bakıda baş tutub.

Bu barədə Təşkilatın baş katibi Kubanıçbek Ömüralıyev açıqlama verib. Baş katib Bakıda TDT-nin ədliyyə nazirlərinin 2-ci iclasında iştirak və çıxış etməkdən məmnunluq duyduğunu qeyd edib.

Görüşdəki müzakirələr hüquq sahəsində əməkdaşlığa fokuslanıb. Eyni zamanda, qurumlar arasında koordinasiyanın artırılması yolları nəzərdən keçirilib. Tədbirin məqsədi türk regionunda qanunun aliliyini, şəffaflığı və ədaləti möhkəmləndirmək üçün müştərək səylər göstərmək idi. Ömüralıyev bu kollektiv işlərə töhfə verdiklərinə görə bütün nazirlərə təşəkkür edib. Bu cür iclaslar TDT çərçivəsində ədalətin gücləndirilməsi üçün atılan vacib addımdır.