Azərbaycan Pakistan və Hindistandan pekan qozu tədarük etməyə başlayıb

Bu ilin yanvar-sentyabr aylarında Azərbaycanın pekan qozu idxalı 25,2 min ABŞ dolları dəyərində 2,5 ton pekan qozu idxal edib. Dövlət Statistika Komitəsinin məlumatlarına əsasən, bu göstəricilər ötən dövrə nəzərən dəyər ifadəsində 5% artım deməkdir. Bununla belə, idxalın kəmiyyəti 8% azalıb. Ən diqqətçəkən hadisə isə odur ki, bu dövrdə Azərbaycan ilk dəfə iki yeni Cənubi Asiya ölkəsindən- Pakistan və Hindistandan pekan qozu tədarük etməyə başlayıb.

Bu il son 14 ildə (rəsmi statistikanın əlçatan olduğu 2011-ci ildən bəri) ilk dəfə olaraq Pakistan və Hindistan ilk dəfə tədarükçü olub. Pakistan 2,7 min ABŞ dolları dəyərində 0,1 ton məhsul tədarük edib. Hindistan isə 1,3 min ABŞ dolları dəyərində 0,2 ton məhsul satıb. Bu yeni tədarük xətlərinin açılması ölkənin qoz idxalında coğrafi şaxələndirmə siyasətinə dəlalət edir.

Digər tədarükçü ölkələrdən gələn məhsulların həcmində də dəyişikliklər qeydə alınıb. Çin, 12,1 min ABŞ dolları dəyərində 1,6 ton məhsul ilə əsas tədarükçü olaraq qalıb. Çindən idxalın dəyəri 27%, kəmiyyəti isə 6,7% artıb. Amerika Birləşmiş Ştatları (ABŞ) da bu dövrdə 6,4 min ABŞ dolları dəyərində 0,4 ton məhsul satıb; bir il əvvəl ABŞ-dan heç bir tədarük olmamışdı. Almaniyadan idxal həcmi də əhəmiyyətli dərəcədə yüksəlib. Almaniyadan 2,3 min ABŞ dolları dəyərində 0,2 ton məhsul alınıb ki, bu da kəmiyyət baxımından 90%, dəyər baxımından isə 55% artım deməkdir.