Antarktida sahillərində onlarla yeni metan qaynağı aşkarlanıb

Alimlər Antarktida sahillərində onlarla yeni sualtı qaz mənbəyini qeydə alıblar.

Bu hadisə əvvəllər son dərəcə nadir müşahidə olunan təbiət hadisəsi hesab edilirdi. Ross dənizinin sahilyanı zonasının dibindən metan qabarcıqları və digər flüidlər (mayelər və qaz qarışıqları) səthə çıxır. Bu qabarcıqlar qısa müddətdə atmosferə daxil ola bilər.

Bəzi ərazilərdə dəniz orqanizmlərinin yaşaya bilmədiyi “ölü zonalar” müəyyən edilib. Bu tapıntı göstərir ki, yüksək qaz emissiyaları artıq yerli ekosistemə təsir göstərir. Alimlər xəbərdarlıq edirlər ki, əgər bu proses geniş miqyas alsa, təhlükəli “əks effekt” mexanizmini işə sala bilər.

Bu mexanizmə görə, buzlaqların əriməsi metan emissiyasını sürətləndirər. Metan isə öz növbəsində qlobal istiləşməni daha da gücləndirər. Belə bir döngə iqlim dəyişikliyinin sürətlənməsinə gətirib çıxara bilər.