Alonso "Real"dan ayrılmağa hazırdır, bu komandanı çalışdıra bilər

Xabi Alonsonun "Real" Madrid klubundakı vəziyyəti ürəkaçan deyil. Mətbuatda yayılan şayiələrə görə, komandadakı bəzi oyunçular arasında ondan narazılıq artıb. Bu gərgin mühit səbəbindən Alonso Madrid klubunda qalmaq istəmir.

Xarici KİV-ə istinadən verilən xəbərə görə, Alonso hətta "Real"dan ayrılaraq İngiltərənin “Liverpul” klubunu çalıştırmağa hazırdır. "Liverpul"un baş direktoru Maykl Edvards Alonsonun fəaliyyətini uzun müddətdir yüksək qiymətləndirir.

Əvvəllər Edvards onu Yurgen Kloppun yerinə əsas namizədlərdən biri hesab edirdi. Hazırda "Liverpul"un baş məşqçisi Arne Slota komandanın zəif nəticələrini düzəltmək üçün yanvar ayına qədər vaxt verilib. Əgər vəziyyət belə davam edərsə, Xabi Alonsonun bu dəfə Premyer Liqada məşqçi kimi yer alması mümkündür.